Ako’y tinutunaw ng malalagkit mong pagtitig
Ang yakap ng iyong mga bisig ay nakakapanghina
Sa iyong paghinga, ako'y nawawala.
Ang iyong marahang paghalik ay parang kuryenteng unti-unting dumadaloy sa buo kong katawan
Humuhugot sa aking lakas at katinuan
Hindi ko maipaliwanag ang dulot ng iyong pag-ibig
Ang ligaya sa puso ko ang dahilan ng pagpintig.
Dinilat ang mga mata nang dahan-dahan
Ngiti'y gumuhit sa aking mga labi at natigilan
Hawak ko pala'y hindi ang iyong kamay
Kundi papel, panulat at ang pag-ibig na patay.
HANGGANG TULA NA LANG
Sinulat ni: Pilosopo Takyo
ika-25 ng Disyembre 2014
Comments
Post a Comment