SARANGgola

Ang pag-ibig ay tulad ng isang saranggola

May tali ngunit nakakalipad

Hawak mo pero malaya.

Nakikita ang mundo, pero ikaw ang mundo

Mataas pero bumababa pabalik sa’yo

Dahil ang pagmamahal ay parang isang saranggola.

Payak, walang arte pero makulay

Ganyan ang pag-ibig, umiibig lang

Tulad ng isang saranggola, lumilipad lang.

Ang saranggola ay waring pag-ibig

May koneksyon kahit magkalayo

Nararamdaman kahit ‘di nahahawakan.

-pilosopo taKyo

ika-17 ng Hunyo, 2015

Photo: cto